गजल
 |
| मईनुदीन कोहरी”नाचीज बीकानेरी” |
म्हारे वतन मे अमन-चैन बण्यो रैवै ।
आ प्रार्थना जणो-जणो करतो रैवै ।।
घर – घर ,गांव-सहर संदेसो पोंचावां ।
अमीर-गरीब रै बीच भेद मिटतो रैवै ।।
अबै नेतावां सूं तो उबकारयां आवै ।
भ्रष्ट-तंत्र निजोगां सूं लारो छूटतो रैवै।।
खुशहाली लावण सारु अलख जगावां।
हरेक नै रोटी – कपड़ो – घर मिलतो रैवै ।।
टाबर पढै हर हाथ नै काम-धंधा मिलै ।
बेटयां नै राज रो सरंक्षण मिलतो रैवै ।।
“नाचीज” देस तो अबै राम भरोसे चालै ।
अबै तूं दिल- दिमाग सूं क्यूं सोचतो रैवै ।।
मईनुदीन कोहरी”नाचीज बीकानेरी”
मो-9680868028
